<化妝> Son&Park Air Chou Foundation

Son&Park 是Nic早前留意的化妝品牌, 是由兩位韓國化妝師創立的, 它的王牌是Beauty Water, 既是一支卸妝水, 也是一支保濕Toner. 不過今次介紹的是Air Chou Foundation, Nic是購自某間網路店, 因為它是set裝咁賣的, 吸引我可以貪心試晒兩個產品~

一打開就印有Son&Park的Logo的白色粉撲

質地好似mousse

因為Nic本身膚色不算白, 故購買的是No.23號色, 如果想再白一點的女生們, 建議購入No.21號色. 質地真的好似mousse咁, 無油份的, 仲有SPF45PA++, 好適合炎炎的夏日, 係Nic近期大愛的粉底, 點解咁講, 即刻睇睇我試用的Before and After~

Before: 膚色不圴, T-Zone 位置泛油, 眼圈極深. 

After: 搽好Primer後, 即上Air Chou Foundation, 未用摭瑕膏摭蓋, 已經將整個膚色即刻tune好, 可見Coverage度極佳.

  

Nic一到夏天好容易出油的, 好怕搽完粉底後就會爆粒, 我已經用過此粉底3次出街, 未見這情況, 超開心~ 

我用完這粉底後, 無用碎粉定妝, 因為塗完之後, 它會好似自動變了蜜粉感覺, 用後整個妝容亞光, 出了油後變了光澤感, 無錯~ 是光澤, 不是豬油包那種光澤, 而且不易脫妝, 好好呀~

  來個近鏡看看吧~ 不會太厚粉, 又容易推開呀,  岩晒容易出油又趕時間出門口的女生用喔~ 

Welcome to check out my

 Instagram | Facebook | Blog

<護膚> 黃金抗皺安瓶精華之金箔魚子和膠原蛋白 Bergamo Caviar and Collagen Ampoule Set

因為Nic完成了一個月多的煥膚程序之後, 想找一些精華是有營養, 保持住亮白膚色, 所以目標是濃縮精華液.  其實安瓶是濃縮精華液一種, 可以補充肌膚所需要的營養, 水分, 强化肌膚天然抵抗力, 抵御外界環境的侵害, 盡快讓肌膚恢復正常. 

話說有次網購, 無意中見到來自韓國的Bergamo High Potency Vitamin Ampoule 高效力維生素魚子安瓶. 一支13ml, 一盒有4支.

High Potency Vitamin Ampoule 此維生素有效照顧膚色不均和毛孔問題的皮膚, 維生素 C 有效修復由 UVA 和 UVB 損傷的皮膚, 並令暗啞肌膚轉化成亮白膚色, 增加皮膚彈性.  

質地是透明, 成份令皮膚保持濕潤. 一盒4支, 大概用到3星期至一個月. 所以好快試埋其餘2款魚子及膠原安瓶精華.

黃金抗皺及魚子修護安瓶精華 Bergamo Caviar and Collagen Ampoule Set, 一盒有20支, 魚子及膠原2款各10支. 簡直深得Nic及家中兩姊歡迎. 

打開包裝後, 真係忍不住, 嘩...個包裝好靚呀.  好似好奢華, 但其實它的價格一點都不貴. 

上排10支是膠原, 下排10支是魚子.

   

你問我2者有什麼分別? Nic好肯定答你, 質地一樣, 無大異之分. 不過店員同我講膠原可以早上用, 而魚子可以晚上用. 既然無分別, 我是用完一支先一支的.

質地如圖上, 透明帶輕身啫喱狀, 無味道的. 唯一改善的地方是支滴管, 擠出1滴後, 就擠不到第2滴, 堵在滴管中間. 故我用支滴管抓出來. 份量有5滴左右. 

主要功效是提升肌膚, 抗老化, 抗皺, 一盒療程可打造緊緻肌膚。Nic其實覺得抗皺產品是一些虛無飄渺的東西, 只要做到保濕便可以, 不過寧可信其有, 唔通真係出現晒皺紋, 肌膚下垂晒先用抗皺產品就已經太遲了. 所以已過25歲的女生都要留意抗皺及提升的保養品呀~

<保養> 潮濕天氣之海藻矽針-Ronas, Lipodermis

香港到了三月份, 真好潮濕, 就連家門外的牆壁都濕至滴水. 而家搽極護膚品都浮在臉上一段時間先吸收. 既然咁笠笠的潮濕天氣, 做下海藻矽針護理都好的~不過極具敏感皮膚的妳, 建議唔好去做了~

從事美容界或貪靚的女生們, 對於海藻矽針一點不陌生, 海藻矽針從植物中提取, 呈針狀, 是利用純天然的生物萃取矽藻的活性, 徹底深入解決肌膚問題, 療程透過按摩就能去除毒素及有害物質, 在按摩過程中, 矽針同時會帶動皮膚的微循環.

其實海藻矽針原理有點像微針煥膚, 但比微針煥膚更為安全, 不會因微針的重覆滾動而對臉孔造成損害, 因此又稱為不見血的滾輪微針. 

此相來源是由LipoDermis' FB專頁

而家海藻矽針普遍到可在家中自我進行, 當中試過來自法國的Lipodermis, 它有長短針(適合初次使用者), 長針(適合中性及混合性皮膚), 還有短針(針對底層)

而我選擇了長短針. 海藻矽針的功效都是大同小異, 皮膚更新, 改善膚色, 刺激膠原更新, 毛孔粗大, 粉刺, 雀斑, 痘疤及去除老角質層. 海藻矽針就好像做了一個深層清潔磨沙咁, 當然效果比其他的深層清潔面膜, 效果更明顯. 建議一個月做一次.

因為我實在太急去試, 

連剛寄來的bubble紙都未拆掉就影幅相~哈

而另一種是出去比人護理, 因為我太懶在家中自我進行了, 人家的專業按摩手勢, 再加上有張舒適的床會比較舒服點.

我用上來自韓國的RONAS海藻矽針, 整個療程進行了約45分鐘,

頭3次剛完成時面部有小許刺痛, 可以接受, 只是有點點微紅, 我而家做了第4次, 面部沒特別紅, 圖上是剛剛做完10分鐘之後, 沒什麼異樣 (不過素顏的我就有點異樣了...)

45分鐘過程如下:

1. 做了基本清潔

2. 搽幹細胞精華在臉上按摩, 保持濕潤

3. 海藻矽針混合海藻矽針修復液, 然後塗在皮膚上, 進行按摩, 過程好像做緊磨沙咁, 質地好似沙灘既沙, 吉吉地咁

4. on top 敷上Ronas 蠶絲面膜, 有助降紅保濕

5. 最後清潔, 塗面霜走得

療程後, 記得塗防曬霜。

回到家中晚上, 臉上開始紅紅地, 要敷返Ronas蠶絲面膜做返降紅. 

Ronas 蠶絲面膜是具保濕(圖上右方), 因為天然蠶絲肽對皮膚的滲透性極強,可立刻降紅, 亦有美白, 抗敏, 補水, 收縮毛孔的功效。

而另一款是CNP Laboratory的速效舒緩S.O.S面膜 (圖上左方), 能溫和有效鎮靜而受到刺激的肌膚, 用法簡單, 打開上方Step01的精華, 取出Step02面膜, 敷於面部便可

2款面膜, 大約15-20分鐘後取下, 配合適度按摩, 輕輕拍拭, 幫助肌膚吸收剩餘養份~ 記得連續敷3晚水份面膜呀, 唔敷的話, 臉上會好乾好緊啦~

<護膚> 清爽感之肌底液 - 韓律律呂原液精華 Hanyul Optimizing Serum

 當時我買下的原因, 被它的功效所吸引, "使肌膚還原透明和健康, 讓肌膚延緩衰老" , 你知嗎, 女生一踏入25歲後, 新陳代謝會減慢, 要修復已損傷的細胞, 來刺激新膠原蛋白增生, 預防肌膚衰老~ 簡單來說肌底液是一個精華導入的小幫手, 為下一步塗抹精華, 更容易吸收, 發揮最大功效.

繼用完第一支後, 我在韓國再度回購, 一次過買了兩支, 還送了8支小小的旅行裝, 有3支送給朋友們, 好讓她們感受下它的威力~

用後感: 瞬間吸收、舒服清爽、香氣好清不濃烈的. 擠出來是好淺的啡色, 質地稀身, 像爽膚水與精華之間 .岩晒香港潮濕的天氣, 唔會笠笠的感覺.

產地: 韓國

成份: 含有韓方濃縮液 83%, 松葉提取物.

容量: 70ml 大大支, 有排用

以下是說明書使用方法:
1. 潔面後 (爽膚水之前), 按壓2-3次左右, 塗抹全臉後，用手輕輕拍打幫助吸收

以下是自己個人使用方法, 大家可以參照下:
早上: 神仙水or爽膚水 ->
韓律肌底液 (好豪氣大力按3下)->面精華 ->眼精華-> 眼霜 -> 面霜

晚上: 用完Hitachi導入機, 第1個step: Hot cleansing 之後 -> 神仙水or爽膚水 ->
韓律肌底液 (好豪氣大力按3下)->面精華 -> 眼精華-> 眼霜 -> 面霜 

舊包裝

之前用了第一支時, 還是舊包裝.  當時覺得用了一半好像沒甚麼特別效果, 但當完全用完一整支後, 感覺臉上的膚色健康了同無咁暗黃~

如果sis是好勤力護膚的人, 價錢又不是太高昂, 不妨購入一支試下.

希望大家喜歡我的分享~ 

<煥膚篇> 2個月之煥膚過程 Obagi Starter Set, Bicelle, Exuviance, CNP Laboratory, Bioderma

之前積落唔小暗瘡印, 需然而家已經淡化了很多, 但整體膚色依然暗啞, 從一位朋友口中高崇推薦了Obagi Starter Set 抗氧去斑組合. 

警告: 易敏感皮膚的人切勿使用. 用的話切勿超過3個月, 同埋Nic是配合埋其他品牌的保濕產品一併使用, 不建議單用Obagi呀! 

Obagi Starter Set 抗氧去斑組合有2款可選, 而我揀選是Normal to Dry, 另一款是Normal to Oily

一個硬盒包裝已有齊5款基本所需的煥膚品, 包括以下(左起):

1. C-Cleansing Gel 抗氧去斑潔面啫喱 180ml

2. C-Clarifying Serum 抗氧去斑精華素 30ml

3. C-Exfoliating Day Lotion 抗氧去斑日霜 57ml

4. C-Therapy Night Cream 抗氧去斑晚霜 57ml
5. Sun Shield SPF 50 防曬霜 (3 oz, 85g)

每支產品上都列明清楚AM/PM, 即是邊支早上用, 而邊一支是晚上用, 實唔會弄錯.

另附送一個白色的化妝袋.

還有附上一份User guide, 清楚列名用法.

1 Step 早上+晚上) C-Cleansing Gel 抗氧去斑潔面啫喱

成份: 左旋維他命C及蘆薈

左旋維生素C 是抗氧化劑, 能有效地保護身體細胞及肌膚, 抵抗自由基的氧化侵害. 亦可將已形成的黑色素還原，所以左旋維生素C亦具有去斑及美白肌膚的作用.

呈啫喱狀, 帶粉紅色. 用後感覺不乾緊的

2 Step 早上+晚上) 純保濕Toner 

(注意: 不要含美白刺激成份便可)

     

3 Step 早上+晚上) Bicelle Hydra B5 Gel 維他命B5補濕精華, 可滋潤皮膚及加強鎖水功能, 用10滴 (多小小唔怕)

 4 Step 早上+晚上) Exuviance - Hydrating Eye Complex 水凝補濕眼霜, 用補濕眼霜作一個打底, 如果唔夠滋潤, 可以後加眼霜. 性質溫和, 敏感肌膚都可以使用.

  

5 Step 早上) C-Clarifying Serum 抗氧去斑精華素

成份: 4%對苯二酚及左旋維他命C

**注意)) 對苯二酚是有效的美白成份, 可抑制黑色素形成, 但濃度絕不可超過4%, 所以不可超過用2-3個月.

對苯二酚用得過量, 反而對皮膚有傷害, 所以份量要跟足指示, 說明書用5-7滴, Nic就用了5滴便算, 如圖上的份量, 已經足夠全臉使用, 用後有點微熱的感覺.

  

 

6 Step 早上) C-Exfoliating Day Lotion 抗氧去斑日霜

成份: 維他命C醣甘及甘醇酸(Glycolic Acid)

維他命C醣甘是美白成份, 抗氧化劑, 能抑制酪胺酸酵素活性

而甘醇酸(Glycolic Acid) 為果酸的一種, 去除老舊角質, 有加速細胞再生, 減少皮膚皺紋及疤痕, 增加皮膚光澤, 美白等作用.

     

Last/7 Step 早上) Sun Shield SPF 50 抗氧去斑防曬霜

成份: 氧化鋅10.5%及Octinoxate 7.5%

氧化鋅是增量劑, 肌膚防護劑, 紫外線吸收劑,利用反射方式抵抗 UVA、UVB，為物理性粉體防曬成份, 阻隔UVA及UVB，免受紫外光侵害

Octinoxate是紫外線吸收劑，可以阻隔 UVB 290-320, 為防曬成份, 目前全世界被廣為採用的化學防曬成份。衛生署限量10%

煥膚會令肌膚薄弱, 所以記得搽防曬~

用了兩星期多, 肌膚從底層出現返暗瘡, 但這款暗瘡跟我以往所生的有小小不同, 既唔疼痛, 又不會好大粒膿, 只是一小點, 我會由它, 不會刻意擠出來. 某次, 我沖完涼, 它自己自然地脫落, 2-3天後就復原. 這就是神奇之處.            另一現象, 整個煥膚其間, 肌膚會變得好乾好乾, 小不免會脫皮, 想化妝的, 絕不會貼粉, 這現象間斷地出現2-3天, 尚可接受.

所以晚上沖完涼, 洗好臉之後, 就建議用Hitachi的Hot Cleansing Mode來按2分鐘 (詳細參考-> 美容器 - 清潔篇之Hitachi 溫熱冰肌離子導入導出器), 清除已脫落的死皮

5 Step 晚上) 夜晚可揀選一些舒緩保濕面膜, Nic試過以下2款

1. CNP Laboratory 舒敏深層修護面膜,  有效鎮靜紅腫肌膚, 為肌膚提供充足水分, 防止肌膚乾燥的修護面膜

2. Bioderma sensibio soothing mask 深層再生防敏面膜, 是一款敏感舒緩的面膜

以上面膜可隔日連續使用一星期, 靜待10-15分鐘, 用溫水沖洗便可 

    

Last/6 Step 晚上) C-Therapy Night Cream 抗氧去斑晚霜

成份: 對苯二酚(4%), 維他命C及E

成份再次同C-Clarifying Serum 抗氧去斑精華素都有對苯二酚4%, 再次提提大家)) *對苯二酚是有效的美白成份, 可抑制黑色素形成, 但濃度絕不可超過4%, 所以不可超過用2-3個月. 

對苯二酚用得過量, 反而對皮膚有傷害, 所以份量要跟足指示, 說明書用1-2小豆的份量, Nic就用了1小豆便算, 質地好黏身 (如圖上) , 要用小小時間推開至全臉吸收, 用後有點微熱的感覺.

    

BEFORE

講左咁多對苯二酚點樣小心用, 又會對肌膚傷害, 又要鎮靜紅腫敏感, 什至脫皮, 當我忍受以上Before的自己之後, Nic好有決心一試, 同自己講, 小心睇指示, 安全使用, 乾著皮膚堅持用2個月, 就有....以下After的成果


        

AFTER

整個煥膚過程用了兩個月時間, 見到After的自己, 真的從心底好開心. 開心的是膚色均混了, 不過我左邊臉粒斑依然存在, 不緊要, 我最想去除暗瘡印無晒.

而圖右是已經無用Obagi的煥膚產品有一個月, 我是用返自日常的保養品, 膚色開始有點光澤.  除了煥膚外, Nic是介掉所有熱氣的炸物, 辣東西, 飲涷野等等....

而家真的方便了很多, 有時趕住出門口, 只需搽air cushion or bb cream就得了.  想返起有暗瘡的日子, 要用厚厚的摭瑕膏蓋著, 真的1萬個不情願.

最後建議Sis, 凡展開煥膚程序, 建議在秋涼, 冬天進行, 因為煥膚過程是刺激性的, 不宜曝曬於陽光底下的~ 

文章中多次提及到化學成份及作用, 若果大家有不明的化學成份英文專稱, 不妨參照此網頁 http://www.cosdna.com/cht/

希望大家喜歡我這篇如坐過山車般的煥膚過程吧~

<潔面工具> 軟綿綿洗面巾 - 3M Nexcare Facial Cleansing Cloth 淨顏面巾

天氣一寒冷, 想起下床擦牙洗面涷冰冰, 就唔多願接觸清晨的冰...水...太耐, 唔知你有無這同感~ 所以我習慣一到冬天, 早上不用潔面產品, 直接用清水快速洗洗鼻亦, 額頭或者已出油的地方便算. 可能你覺得會唔夠乾淨, 但我覺得冬天乾燥日子, 早上不需要咁清爽乾淨, 反而臉上有小小油脂依附著還好~ 

如果乾性或混合性肌膚的妳, 以下的潔面工具可建議妳使用.

3M Nexcare Facial Cleansing Cloth 淨顏面巾

3M Nexcare Facial Cleansing Cloth 淨顏面巾是用100% 超微細纖維, 即是吸水性良好, 可以帶走肌膚上的污垢.

打開包裝後, 是四方形雙面設計, 柔細面可作日常清潔

磨砂面可去輕除死皮, 雖然磨砂面, 但一點不粗糙. 而且仲有個粉紅色小圈圈, 方便掛起浴室內吹乾~

如果要加入潔面產品, 可參考以下使用方法:

1. 用水沾濕面巾後, 倒入適量潔面乳, 搓揉面巾至泡沫出現, 輕力擦拭面部

2. 用清水徹底沖洗面上泡沫

3. 用水洗淨面巾

我覺得洗完臉後, 好乾淨, 再搓搓面巾擰乾, 吸取臉部多餘的水, 又不會令皮膚好乾, 質地軟綿綿, 好舒服. 我對3M產品一向好有信心, 一塊小小的面巾, 無論質地功能都做得好好, 而且價錢唔貴. 可以買塊來試下~