生完一輪暗瘡, 又用過蝸牛淡化暗瘡印之後, 是時候將整體膚色upgrade. 需然暗瘡好返晒, 但肌膚都比較脆弱. 就好似身體大病初愈, 唔能夠飲凍野一樣. 所以首選護膚品絕對要天然成份, 不刺激的, 而次要做到改善肌膚色澤. 來自法國的Caudalie, 是使用天然的活性成分為理念, 如有機葡萄水, 葡萄籽油, 紅酒酵母等等. 所以我買了一套Caudalie family回家.
而Caudalie其中的皇牌產品有Beauty Elixir葡萄籽活性爽膚水 又稱"皇后水", 既可護膚又結合了定妝功效. 它蘊含了葡萄萃取物, 橙花水, 有機薄荷葉及薄荷精油等高效草本成份.
Nic每天早晚噴上幾次, 可細緻面上毛孔, 令肌膚顯得透亮光澤, 可以掃走暗啞倦容. 由於有薄荷成份, 噴完成個感覺好冰涼, 好舒服的.
見到圖上, 有黃黃地色的是精油, 記得使用前請搖勻. 官方話要避開眼睛周圍先噴, 可能有薄荷成份, 怕拿到雙眼. Nic就會閉實眼睛, 向額頭, 雙頰, 鼻及下巴噴4下, 不要朝著眼睛方向噴便可。它還可以為妝容打底及定妝, 可以話一物多用.
另一皇牌產品是葡萄蔓極緻完美精華液, 主力改善肌膚色斑, 煥發肌膚光澤. 它出名在於是抗黑斑產品, 本身有斑的, 又或者接近30歲的女生, 真的不容忽視斑點的問題呀)))
主要功效可讓肌膚更潤白透亮, 消除並預防黑斑再生. 質地好像牛奶般的精華液, 是無油配方, 一點都不笠, 不會形成粉刺, 適合所有肌膚的.
用完Beauty Elixir葡萄籽活性爽膚水之後, 塗抹於面部及頸部肌膚. 當妳假日中午要出街時, 可在塗抹防晒霜前作打底, 因為防晒霜大多質地較黏身, 所以要塗保濕作打底, 這樣令皮膚無咁乾, 仲可以發揮防晒SPF功效.
而我回購過一次是聖誕節套裝, 隨禮盒附送了葡萄籽活性爽膚水30ml, 細細支, 方便攜帶, 真的好細心呀~
為免加深暗瘡印, 另外買了高效抗氧保濕日霜SPF 20, 這款日霜最大特點可抗氧, 修補皺紋問題, 還結合了防曬功效, 能阻擋UVA及UVB紫外線, 強化肌膚抵擋因外在環境而產生的自由基入侵. 質地白色, 氣味有香橙的味道.
葡萄蔓極緻完美凝白晚霜, 是精華液的同一線產品, 特點是淡化黑斑以及不均膚色. 使膚色變得均勻, 氣色也變得更好. 質地都是白色, 因為是晚霜, 比較黏身, 適合夏天開著冷氣用, 醒來後, 可令肌膚唔會變乾.
葡萄籽C15晚間抗氧護理油, 主要功效是抗氧化, 淨化過度疲累的肌膚. 可於晚間進行使用, 可幫助過度疲倦的肌膚回復平衡狀態. 訓醒一覺, 肌膚變得柔潤, 拜拜疲倦暗啞. 如果遇上乾燥天氣, 都可以用護理油幫下手, 滋潤肌膚.
使用方法有2種:
1. 可於晚間單獨或塗抹晚霜前使用, 再用手掌心暖和3至6滴護理油, 塗抹於臉部和頸部, 按至吸收.
2.又或者將3滴護理油混和至晚霜使用, 均勻塗抹於臉部和頸部, 記得避開眼睛部位.
仲有當然唔小得眼部保養, Caudalie Vinexpert Anti-ageing Eye & Lips Serum 葡萄籽眼部精華, 主要功效可減少幼紋, 黑眼圈, 收緊眼肚. 不過黑眼圈色素不是一時三刻可減退. Nic對眼精華及眼霜頗有研究, 我會開一篇眼部護理專題分享.
講返這款眼精華, 是我曾經用過的榜首位, 可惜專門店已經無了, 可以去Sasa碰碰運氣. 質地不笠, 是肉色的. 對敏感性的眼部肌膚都合適的, 它可以立即柔軟眼部肌膚, 保濕同緊緻. 重點用完對眼立刻放鬆, 好想令人入睡的感覺.
成份有橄欖能滋潤, 金縷喬麥能消除水腫, 甘菊能鎮靜肌膚, 可讓眼部肌膚瞬間吸收.
若果成日對住電腦的妳, 就要幫助眼部血液循環, 減少黑眼圈, 不防用眼精華幫下手啦~
家裡的潤唇膏剛好用完, 既然聖誕節套裝咁平, 又有潤唇膏又有hand cream, 順便買埋啦~ 因為用後有驚喜, 所以都推薦比Sis.
Caudalie葡萄籽手部及指甲抗氧修護霜 - 葡萄藤蜂蜜味 30ml, Nic好怕笠黏黏的hand cream, 但Caudalie可以做到雪巴質地, 用落又不笠, 連我指甲邊好多死皮, 都可以修復到, 味道清新不難聞.
至於葡萄籽滋潤抗氧護唇膏, 一支滋養及抗氧化功效兼備的護唇膏, 都是純天然成分, Nic一年四季唇部都好易脫皮, 什至留血, 夜晚臨訓前, 塗搽厚一點, 第二朝起身, 神奇地修護了受損的地方, 因為我用過其他潤唇膏做不到這效果, 所以我覺得它真的好用呀.
